Sofía, servicio de canguro en Santiago de compostela

Ola familias!
Son Sofía, teño 26 anos e moitas ganas de axudarvos a cubrir as necesidades que poidades ter en canto ao coidado de crianzas!
A miña formación é como mestra en Educación Primaria con mención de atención á diversidade.
Teño experiencia no coidado e atención de crianzas no ámbito familiar, en clases de apoio, nas prácticas da carreira e en clases de reforzo e apoio en Cruz Vermella.
Podería polo tanto axudar tamén cos deberes sen problema.
Fixen as miñas prácticas en varias escolas: o primeiro ano foron nunha escola de Santiago, o segundo en dúas escolas de Bélxica (posto que fixen un ano de erasmus alí) e o terceiro na miña aldea (nunha pequena escola). Estiven nos seguintes cursos de Educación Primaria: 1º, 3º, 5º e 6º.
Ademais do grao, cursei tamén un Máster de Xénero, Igualdade e Coeducación.
En definitiva, o traballo coas crianzas paréceme sempre moi enriquecedor e gustaríame poder atopar un traballo que me permitise seguir aprendendo neste ámbito e combinalo co resto de proxectos que estou desenvolvendo
Non dubidedes en preguntarme todo o que precisedes saber.

Moitas grazas!
Sofía.