Marta, niñera a domicilio en Santiago de compostela

Ola familia!! ☺️
Son Marta e son educadora infantil e mestra.
Fixen o ciclo superior de educación infantil (que se centra no primeiro ciclo da etapa, entre 0 e 3 anos) e o grao de maxisterio de educación infantil, que aínda que aborda toda a etapa especialízase no segundo ciclo, o que corresponde co período de 3 a 6 anos.

Son coidadora dende que teño uso de razón. É unha característica inherente á miña forma de ser, aínda que de maneira profesional fágoo dende fai 10 anos, ben de maneira puntual ou dunha maneira máis estable ao longo de todo o curso.

Creo firmente na infancia como motor de cambio cara unha sociedade máis consciente e coidadora. Por iso o meu compromiso ca educación, especialmente ca infantil, é total. Polo que tento estar en continua formación, cunha actitude de curiosidade constante que procuro transmitir ás criaturas que me rodean ca confianza de que aprendan valores importantes a través do exemplo.

Calquera cousiña poñédevos en contacto comigo e agardo poder axudarvos.

Un saúdo!!