Minia, madre de día profesional : Corunna

Boas! Chámome Minia, teño 22 anos e son de Santiago de Compostela.

Son educadora infantil e monitora de tempo libre. Ademais, teño experiencia en coidado de bebés e tamén como profesora de reforzo na etapa de primaria (de todas as materias), ESO (linguas e literaturas) e Bacherelato (linguas e literaturas).

Busco un traballo a tempo parcial durante o verán, con posibilidade de continuidade unha vez comezado o curso escolar, pois ao mesmo tempo seguirei con diferentes formacións e outros traballos a tempo parcial como profesora.

Sobre min poderíache dicir que fago Clown e teatro e toco a pandeireta e un pouco a guitarra. Ademais, son unha apaixonada do mundo da literatura infantil, da arte, da natureza e do mundo educativo. Isto fai que desfrute do meu traballo en cantidade e que adoite achegar estas cousiñas (narración oral, teatro infantil, experimentación artística, interacción coa natureza etc.) á infancia.

Relacionado co anterior, non tería ningún tipo de incoveniente en levar á infancia a diferentes eventos culturais dirixidos á rapazada (contacontos, obras de teatro, visita á biblioteca pública, concertos etc.) durante o horario laboral. De feito, sería todo un gozo!

A miña lingua habitual é o galego e teño competencia oral en castelán e, de forma básica, inglés, francés e portugués.