Paula, au pair en Santiago de compostela

Ola, chámome Paula e son unha estudante de segundo ano en lingua e literatura españolas, na USC.

Busco un traballo para poder axudar á miña familia cos gastos que supón a universidade e o vivir fóra do domicilio familiar. Pensei que coidar nenos sería unha boa opción posto que é algo que me encanta e no que teño bastante experiencia.

Teño unha irmá de 16 anos e outro pequeno de 3, que quedan ao meu cargo numerosas veces. Ademais, levo xa tres veráns coidando de dous nenos de agora 15 e 11 anos e impartindo clases particulares de cara as recuperacións de setembro.

Este ano fixen o curso de Monitora de Ocio e Tempo Libre e realicei as prácticas no servizo de Conciliación da vida laboral e familiar do Concello de Ames (Escola de Verán-Ágora Aberta).

Estaría moi agradecida de ter a oportunidade de poder seguir traballando con nenos e nenas durante a miña etapa universitaria e non limitalo aos períodos vacacionais ou ao ámbito familiar. É algo do que disfruto moitísimo.